Mafy ny fitadiavana asa nefa sarotra ny fiainana. Maro amin’ireo mpianatra no lasa manaonao foana. Vao tamin’ny fiandohan’ny taona teo dia mpianatra maromaro avy ao amin’ny oniversite Andrianjato, Fianarantsoa voasambotry ny zandary avy ao amin’ny Komandin’ny vondron-tobim-pileovana (Groupement) Anosy ao Betroka. Sambo-belona no nahatratrarana azy ireo taorian’ny fifampitifirana teo amin’ny mpitandro filaminana sy ny dahalo izay nangalatra omby fitopolo tao amin’ny tanàna iray 25 km atsinanan’i Betroka. Taorian’ny fakana ambavany nataon’ny manam-pahefana azy ireo no nahafantarana fa misy mpianatra izy ireo ary dia alaim-panahy lasa mirotsaka amin’ny asa fangalaran’omby any amin’ny faritra Atsimo manampy ireo tompon-tany izay efa rain-dahiny amin’izany asa ratsy izany.

S.A