Mikoropaka ary lany fanahy mbola velona ny mponina eto an-drenivohitra taorian’ny fanambarana nataon’ny teknisianina ny Jirama fa ho ritra ny rano eto Antananarivo raha toa ka tsy mbola milatsaka ny orana ao anatin’ny efatra andro. Ny ampitson’ny nanaovana io fanambarana io ihany izany hoe omaly dia  nahitana fiakarana sahady ny rano fisotro amidy amin’ny tavoahangy eny amin’ny tsena kely na ny “Epicerie”. Nahitana fiakarana 100 ariary izany. Niakatra 1700 ariary ny Eau Vive , raha 1600 ariary izany  teo aloha ary ny Crystalline kosa dia lasa 1300 ariary raha toa ka 1200 no mahazatra ny mpanjifa. Ny zava-dehibe dia ny fiezahan’ny tsirairay mandanjalanja ny fampiasana ny rano satria io no antoky ny aina voalohany.

Safidy Andrianina