Nisehoana fihetsiketsehana indray teny Androhibe nandritra ny fanokafana fotoam-pilalaovana 2017 satria dia mamaky ady amin’ny fanjakana sy ny vahoakan’Androhibe indray ny flm Androhibe finoana taorian’ny namoahan’ny fanjakana ny didim-pitondrana hanafoana ny fampiasan’ny flm an’ilay tanim-panjakana filalaovam-baolina hatramin’izay sy tany hanorenana E.p.p. Tsy hanaiky ny vahoaka eny an-toerana ary mitaky ny hanalana tanteraka ny Flm amin’ny tany na izay mbola tetehan’izy ireo hobodoina.

Rehefa nandray andraikitra ny tompon’andraiki-panjakana teny an-toerana izay nosoloin’ny sefo Distrika tena, teo ambany fiahian’ny Préfecture de Police ka nampiato avy hatrany ny asa nokasain’ny Flm hatao eo amin’ny kianja filalaovam-baolina Androhibe ny 30 oktobra 2015 tamin’ny alalan’ny didim-pitondrana N°571-MID/PPID/ ANTA/PREPUL/Dist.TanaV, sy namoahan’ny minisitera eo anivon’ny fiadidiana ny Repoblika misahana ny tetikasan’ny Filoham-pirenena, sy ny Fanajariana ny tany ary ny Fampitaovana, didim-pitondrana laharana faha 20812/ 16/M2PATE tamin’ny 30 Septambra 2016 , izay manafoana tanteraka ny fampiasan’ny Flm an’io tany io fa natokana kosa ho toerana fanaovana fanatanjahan-tena sy hananganana E.p.p eny Androhibe ho tombontsoam-bahoaka.

Nilamina ihany ny raharaha ary nitatitra ny zava-nisy tamin’ny Solombavam-bahoaka voafidy teny an-toerana Naivo Raholdina no sady Filohan’ny Vaomiera mpanadihady mikasika ny olana momba ny Fananan-tany eto Madagasikara. Ankilany tsy manaiky ireo tompon’andraikitra sasany ao amin’ny Flm ka nitory ny Fanjakana eny amin’ny Conseil d’Etat mba hanafoana io didim-pitondrana io.

Nangonin’i S.M