Ny fiara matetika no aharenesana fa nandona olona ka niteraka fahafatesana na faharatrana. Mitsoaka avy hatrany ny mpamily rehefa izay no mitranga satria matahotra fitsaram-bahoaka. Ny kodiaran-droa kosa fihetraketrahan’ny tompony ihany no mahatonga loza ho an’ny tenany indraindray. Ity nitranga omaly tetsy Ampefiloha ity kosa dia kodiaran-droa mpanatitra ireny karazan-tsakafo pizza ireny no nandona renim-pianakaviana iray izay sendra niampita ny arabe. Raha ny zavatra hita teny an-toerana dia tany amin’ny faritry ny tongony no tena nitarainany ho voa mafy satria avy dia nianjera izy. Nijanona avy hatrany koa ilay mpamily ary nibata azy. Nisy polisy mpandamina ny fifamoivoizana teo nahita akaily ny zava-nitranga. Araka izany tsy nisy ny korontana fa nandray ny andraikitra manandrify azy ilay mpitondra môtô.

Farah