Vehivavy iray misandoka ho  manam-boninahitra eo amin’ny mpitandro filaminana no voasambotra tany Toamasina. Maka vola amin’ny olon-tsotra izy, ary mbola ampiany fandrahonana izany. Ankoatra izany, mbola sahy manonona anarana sandoka ihany koa izy amin’ny hoe maha manam-bohinahitra azy amin’izay olona azony lemena mora amin’ny vavany. Nilaza fa hamoaka entana amin’ny seranan-tsambon’i Toamasina izy, ka teo no nisy nampandre haingana ny mpitandro filaminana. Natao avy hatrany ny fikarohana rehetra ary dia saron’ny Polisim-pirenena eo anivon’ny Kaomisaria foibe eny Toamasina ao Bazarikely ilay vehivavy. Taorian’ny famotorana nataon’ny Polisy dia fantatra fa tena mpisoloky ity vehivavy ity ary efa niaiky ny heloka vitany, araka ny tatitry ny Polisim-pirenena avy ao Toamasina.

S.A