Tetezana iray ao amin’ny fokontany Diapisaka , kaominina Ambanovohitr’Andapa no  tapaka noho ny filatsahan’ny orana tamin’iny faran’ny herinandron’ny alahady teo iny. Mitoka-monina tanteraka io fokontany io satria dia io tetezana tapaka io no mba hany mampitohy azy amin’Andapa ka vokatr’izany dia tsy afaka mampiakatra vokatra ny olona ao an-toerana. Mbola tany amin’iny faritra iny ihany ary mbola vokatr’io orana io ihany koa dia raim-pianakaviana avy nivavaka  no nilatsaham-potaka ka maty tsy tra-drano rehefa iny hamonjy fodiana iny. Roalahy izy ireo no niaraka fa ilay namany kosa dia nieren-doza fa nisy faritra kely naratra tamin’ny vatany.  Avy any Bemanevika ka nikasa hody any Ambodifamelona Ambodiangezoko no izao tra-doza izao.

S.A