Raim-pianakaviana iray tompon’omby tao amin’ny Fokontany Mandiavato, kaominina sy distrikan’i Miarinarivo, faritra Itasy no maty voatifitry ny jiolahy, ny zoma alina lasa teo.  Rehefa nitaky ny vidin’ omby lafo, ny andron’ny zoma ireo jiolahy dia namaly ilay loham-pianakaviana fa efa napetrany any amin’ny banky ny vola. Tsy nionona tamin’izany anefa ireto jiolahy izay nanafika tao an-tranony raha tsy nahazo ny vola fa avy hatrany dia niroso tamin’ny fandarohana ity raim-pianakaviana mba hamoaka ny vola.  Vola tahiry tao an-trano mitentina efatra hetsy ariary no lasan’ireo jiolahy niaraka tamin’ny vangovango volamena sy omby sivy.

Talohan’ny nitifirana azy dia niezaka nanohitra sy niaro ny fananany ity raim-pianakaviana ity, ka teo no nahatonga ireo jiolahy nitifitra ka namono nahafaty azy. Teo amin’ny fony moa no nahavoatifitra  ilay rangahy ka namoizany ny ainy avy hatrany. Nampandre ny mpitandro filaminana ny vady aman-janany rehefa lasa ireo olon-dratsy. Na tonga teny an-toerana aza ny mpitandro filaminana dia efa tsy nahatratra ireo mpanafika teny an-toerana intsony. Mbola mandeha moa ny fikarohana ireo malaso hatramin’izao fotoana izao.

S.A