Efa “Business familial” mihitsy no tena mahalaza azy. Renim-pianakaviana iray  miaraka amin’ny zanany lahy ary ny zafikeliny no voasambotra ny zandarimariam-pirenena tao Toamasina amin’ny fanaovana aferana rongony tao Betainomby. « Tsy ananana indra-fo ny fitandroana filaminana sy fandriam-pahalemana eto Toamasina” , hoy ny eo anivon’ny zandarimaria ao Toamasina. Tsy maintsy nosamborina i bebe sy ny zafiny satria anisan’ny antony mampirongatra ny tsy fandriam-pahalemana eto Toamasina io resaka rongony io. Ny tsy fandriam-pahalemana izay efa tena mampitaintaina ny vahoaka ao Toamasina tsy andro tsy alina ary efa isan’andro mihitsy fa tsy mifidy ora intsony. Marihina fa mifoka rongony aloha ireo mpanao ratsy maka risika alohan’ny hanaovany ny asa ratsiny. “Tsy misy olona “lucide” ka mahavita manindrona atsy olona izany eto amin’ny fiainana raha tsy mandray zava-mahadomelina kely na toaka. ary dia ny rongony no anisan’ny voalohany raisin’ireo mpanao ratsy rehefa hanomana ny asa ratsiny izy ireny”, hoy ny lehiben’ny manam-pahefana iray tao an-drenivohitra ny faritra Betsimisaraka.

S.A