Ankoatra ny tsy fandriam-pahalemana dia ny haintrano no mampitaintaina faharoa ny vahoaka malagasy. Tao anatin’izay delestazy lava izay mantsy dia lasa mampiasa labozia ny olona ary matetika dia avy amin’izay foana no mahatonga ny firehetan’ny trano. Omaly maraina vao mangitran-dratsy no nisehoana haintrano mahatsiravina tao Mahajanga, tao amin’ny faritra iray antsoina hoe Mahabibo Kely. Toeram-pivarotana ireny farafara vita amin’ny hazo sy kidoro ary izay mety ho kojakoja ilaina amin’izany ity trano nidiran’angano ity. Tsy fantatra hatramin’izao izay mety nahalevon’ny afo azy io fa ny fantatra dia tsy nisy azo noraisina ny entana rehetra. Ny tao anaty trano rahateo kojakoja mora mirehitra avokoa ka nahamora ny fiparitahan’ny afo. Tao anaty minitra vitsy dia levona ny fananana nihariana tao anatin’ny taona maro. Ny fokonolona teo an-toerana no niandraikitra ny famonoana ny afo sy ny fitsimponana izay tapa-porohana sisa tsy may.

Ra Tax.