Mila  mitandrina ihany isika mpampiasa fiara mpindrana an’iny lalana Ambohijatovo midina any Andohan’Analakely iny, Ankorahotra, Bel’Air na koa amin’iny Ampahibe rehetra iny. Lehilahy iray manao satroka sy akanjo be na « Blouson » no mijoro eny amin’ny sisin-dalana ary miaraka amin’ny Gazety eny an-tanany miandry ireo izay mandeha irery anaty fiara. Mody manantona izy avy eo rehefa misy fitohanana iny ary dia mampiresaka toa ireny efa mahafantatra anao ireny. Milaza izy fa efa niaraka taminao tao amin’ny « contribution direct » taloha ary dia miangavy izy mba hiditra ao anaty fiara miaraka aminao ary rehefa tafiditra ao izy dia efa fantatrao ny tohiny fa manendaka ary maka izay tiany halaina. Mampandre ny mpitandro filaminana ihany koa handray ny andraikitra momba azy io.

S.A.