Tsy fambolena tsotra fa teknika mikajy ny tontolo iainana  ny voly rakotra.

Izy io dia mikajy ny nofon-tany sy ny hamandoana. Tsy mbola mahazatra ny eto Madagasikara io teknika io ka nahatonga ny GSDM nampiofanana ireo tantsaha. Efa nanomboka tamin’ny taona 2000 io atrik’asa io mba hampiroboroboana ny fambolena eto Madagasikara izay misy fifandraisana amin’ny AFD. Nizara roa izany, ny fizarana voalohany ny taona 2004-2008 izay novatsiahan’ny Afd vola an-tapitrisany ary ny fizarana faharoa ny taona 2008-2013 izay miditra ao anaty « appui national agro-écologie ».

« Ny voly rakotra dia tsara amin’ny fitantanana ny ‘’ agro-écologie ’’, izay nahatonga ny fananganana ny fikambanana mpiara-miasa amin’ny fikarohana sy ny fampianarana izay niainga tao Vakinankaratra, niarahana amin’ny ‘’fondation Agro-Khan’’ », hoy ny filohan’ny filakevi-pitantanan’ny GSDM, Jacqueline Rakotoarisoa.

Tantsaha miisa 30 no nahazo ny fiofanana ny taona 2004 tao Vakinankaratra ary nahatratra 3 500 izany ny taona 2008. Fantatra ankehitriny fa mahatratra 17 000 ireo tantsaha mampiasa io teknika io.

Laurena Nany