Nambara ampahibemaso ireo mpiasa ao amin’ny toeram-pitsaboana OMSI ao Toamasina ny takarivan’ny talata teo ny fahazoana fitaovana vaovao fanalana nify sy ny fikarakirana ny ativava. Izany fanambarana izany dia natao teo anatrehan’ireo ankizy zanak’ireo mpiasa mpandoa latsak’emboka ao aminy.

Mitetina 18 000 000 ariary ity fitaovana ity ary efa am-perin’asa tanteraka amin’izao fotoana izao. Efa fanirian’ireo mpandoa latsak’emboka ny mba hanana an’izao fitaovana izao araka ny vaovao voaray dia natao io ezaka io mba ho fanatrarana ny fanamby napetraky ny tale jeneralin’ny OMSI, Dr Benessy Harison Sébastien sy ny filoha ny filan-kevi-pitananana, Danick Ramaroson. Izany fanamby izany dia ny firosoana amin’ny fametrahana ny sampana fitsaboana zaza latsaka ny 15 taona ao amin’io toeram-pitsaboana io mba hialana amin’ny filaharana amin’ireo toeram-pizaham-pahasalamana roa efa misy ao an-toerana.

 Laurena Nany