Hisy fiantraikany amin’ity trano fisakafoanana ity iny nahafatesana olona iny sady mateti-pitranga amin’io dobo filomanosana  io ary hipaka amin’ny lafiny fizahantany mihitsy aza. Ankoatra ny raharaham-pitsarana miandry azy dia mety hiafara amin’ny fanafoanana ny fifanarahan’ilay teratany vahiny mitantana ilay toeram-pisakafoanana sy ny kaominina ny fampiasana an’ity foto-drafitr’asa ity. Tsy maintsy atao araka izay azo atao ihany koa ny fanerena an’io terantany vahiny io, hamerina amin’ny laoniny ny endriky ny « piscine » teo aloha ary tokony hanaovana fomban-drazana amin’io faritra io noho ny fiverimberenan’ny fahafatesana olona ao amin’io dobo filomanosana io. Tena tsy ho mora ny hahazo an’ity trano fisakafoanana iray lehibe eo amoron-dranomasinan’i Toamasina izay nahafatesana zanaka mpanao politika iray ao an-toerana.

Raha tsiahivina dia maty tsy tra-drano ny tovovavy 18 taona raha nilomano tao anaty dobo filomanosana tao amin’ny trano fisakafoanana « Le bateau ivre » ao Toamasina ny alatsinainy 6 jolay lasa teo.

Laurena Nany