Nitrangana lozam-pifamoivoizana ny teny Andohatepenaka ny marain’ny talata teo.  Lehilahy 40 taona any ho any no torana tsy nahatsiaro tena rehefa nodomina môtô teny amin’iny toerana iny. Tsy fanajana ny hafaingana mpandeha avy amin’ilay kodiaran-droa no nahatonga ny loza.  Nirimorimo mafy ity môtô ity raha ny tatitra azo, ilay rangahy koa niampita tampoka ka tsy afaka niala azy intsony ilay mpamily izay nahatonga ny fahavoazana. Noho ny dona mafy be nahazo azy dia torana avy hatrany ilay lehilahy sady naratra mafy. Nentina teny amin’ny hopitaly avy eo mba hanaraka fitsaboana sahaza azy. Na dia eo aza ny fahavoazana nahazo ity lehilahy ity dia tsy misy ahiana ny amin’ny fahasalamany, hoy ny dokotera nandray azy. Efa mahatsiaro tena ihany koa ity farany tamin’ny fandalovanay teny amin’ny hopitaly.