Tsy fantatra mazava hatreto ny nahatonga ny fahamaizana fa kilan’ny afo tanteraka ny « bloc s » izay fonenanan’ireo mpianatra ao amin’ny Oniversite  Andrainjato ao Fianarantsoa. Omaly tamin’ny 2ora maraina no nisehoan’izany. Mpianatra iray no namoy ny ainy, ity farany izay avy any Antsirabe fa mandrato fianarana ao an-toerana. Araka ny fantatra dia rendriky ny torimaso ity mpianatra ity hany ka rehefa taitra izy efa may tototry ny afo ny manodidina azy ka tsy tafahetsika intsony izy fa may kila tao. Manodidina ny 60 any ho any ankehitriny ireo mpianatra tsy manan-kialofana. Ireo mpianatra sy ny manodidina no niara-nisalaha nifanome tanana tamin’ny famonoana ny afo. Nanano sarotra ireo fokonolona ihany anefa ny famonoana izany noho ny rivotra nifofofo. Efa ho mazava mantsy ny andro izay vao tena maty tanteraka izany. Vokatry ny fijalajoalan’ny afo dia potika tanteraka lasa lavenona daholo ny fananan’ireo mpianatra sy ny fitaovam-pianaran’izy ireo.   Efa niala tao Fianarantsoa omaly tamin’ny 4 ora hariva ny nofon’ilay tovolahy izay nihazo ny distrikan’i Antsirabe.

Laurena Nany