Famaranana ny taona akademika 2014-2015. Hiditra amin’ny fialan- tsasatra ny Akademia malagasy ny volana oktobra ho avy izao. Ho fanamarihana izany dia nisy lanonam-pamaranana ny sabotsy 25 jolay izay narahana hetsika ara-java-kanto. Amin’ny maha-Akademia azy dia nomen-danja ny zava-kanto izay mendrika ho tsarovina amin’ity taona ity ka ireo namela ny diam-penina, ny diampeo ary ny dian-tsoratra teo amin’ny tantaran’ny teatra sy ny hira teatraly malagasy no nanamarika ny fotoana. Araka izany dia ny « troupe Jeannette » no nanafana izany fotoana izany izay mankalaza ny faha-86 taonany ny tarika. Ary io fotoana io dia natokana ho fahatsiarovana ireo nitondra nifandimby ny

« Tropy Jeannette » sy ny fanentanana ny kolontsaina malagasy. Ny « Tropy  Jeannette » dia noforonin’i Andrianary Ratianarivo niaraka tamin’ny Ramatoa Jeannette ny taona 1929. « Ny fotoana toy izao dia natao ho fahatsiarovana ny tantaran’ireo olo-manga malagasy izay tena mendrika ho tsarovina tokoa. Amin’ny famaranana ny taonan’ny akademia amin’ny taona ho avy dia

« Rainandriamampandry » no ho lalaovina ho fahatsiarovana ny faha-120 taona nahafatesany. Ity farany izay namela mamy tokoa noho ny fitiavan-tanindrazana izay nasehony. Raha tsarovana, Rainandriamampandry dia maty notifirin’i Gallieni ny 16 oktobra 1896 », hoy i Haingosaonina Henry, filoha lefitra amin’ny sokajy voalohany ao amin’ny Akademia malagasy.

Laurena Nany