Tontosa omaly alatsinainy 27 jolay tetsy amin’ny Carlton ny fanaovan-tsonia efatra loha izay haharitra 5 taona momba ilay atrik’asa 3Psrd/Mada izay iarahan’ny oniversite Ispps sy ny vondrona In.SPN.Mad izay fandaharan’asa fiahiana ara-tsosialy ny mponina eny ambanivohitra. Ny sonia voalohany izay nataon’ny In.spn.Mad sy ny orinasa teknik-all amin’ny fananganana voalohany eto Madagasikara ny sehatry ny fiofanana mpitsabo mpanampy sy mpampivelona ny oniversite nomerika sy ny fametrahana ny « Vision conférence » mba ahafahan’ny sekoly In.spn.Mad eran’i Madagasikara mametraka fomba fampianarana sy fandaharan’asa tokana izay  hanomboka ny volana aogositra 2015. Nisy ihany koa ny fanaovan-tsonia teo amin’ny oniversite Ispps sy ny vondrona In.spn.Mad amin’ny fanatanterahana ny fandaharan’asa iray izay mety iarahana amin’ny ministeran’ny Fanabeazam-pirenena ny atao hoe « Programme de participation à la sécurité rurale à Madagascar-Chômage zéro ». Fandaharan’asa fametrahana ny « poste infirmerie » isaky ny toeram-pampianarana fanjakana izay mifandray amin’ny ministeran’ny Fampianarana indrindra any ambanivohitra sy an-drenivohitra amin’ny toerana marefo izay atomboka ny volana oktobra ho avy izao.

Teo ihany koa ny fanaovan-tsonia mahakasika ny fananganana toeram-pitsaboana tsy miankina teo amin’ny In.spn.Mad sy ny Mpitsabo jeneraly Razafintsotra mba hahatonga ny fomba fianarana hoe « alternance école-entreprise » mba ahafahan’ny mpianatra amin’io sekoly io manao fiofanana. Tetik’asa izay hanomboka ny volana aprily 2016. Ary farany dia ny fifanarahana amin’ny orinasa Manjaka-kanto amin’ny famatsiana ny fitaovana na eo amin’ny Ivo-toerana fikarohana sy fampiharana  na eo amin’ny efitrano fampiharana izay ho tonga ny volana 30 septembra izao.

Laurena Nany