Namoy ny ainy avy hatrany ny vadin’ny mpamilin’ilay kamiao raha nivarina tany an-kady ity fiara ity. Tamin’iny lalana mihazo ny distrikan’Anjozorobe iny no nisehoan’izany tamin’ny sabotsy atoandro tao Ambohimandroso, kaominina Marovazaha. Olana ara-teknika no fantatra fa nahazo io fiara vaventy io rehefa niaka-piakarana. Nitondra vary hiakatra ho aty an-drenivohitra io kamio io raha tra-doza. Araka ny fantatra dia nitambotsotra tampoka ilay fiara rehefa  tafakatra teny an-tenatenan’ny fiakarana. Taitra tamin’izany ny mpamily, ka tsy voatazona intsony ny tsindry hisatra ka avy hatrany dia nikorisa ilay fiara ary tsy tafajanona raha tsy tany anaty hady. Ankoatra ilay ramatoa maty dia potika tsy nisy noraisina ihany koa ilay kamiao. Nentina nakany amin’ny trano patin’ny hopitaly ilay namoy ny ainy taorian’ny fizahana nataon’ny mpitandro filaminana.